23-iyun sanasida futbol bo‘yicha Rossiya maydonlarida bo‘lib o‘tayotgan Jahon Chempionatining 2-tur o‘yinlari davom ettirildi.
Kunning so‘nggi “F” guruhi jamoalari — Germaniya hamda Shvetsiya terma jamoalari o‘rtasida bo‘lib o‘tdi.
Uchrashuvda hisob 32-daqiqada shvedlar tomonidan ochildi. Gol muallifi 32 yoshli Ola Toyvonen. Nemislar ikkinchi bo‘lim avvalida, 48-daqiqada hisobni tenglashtirishga erishdi. Marko Roys o‘z nomini tabloga yozdirib qo‘ydi. O‘yinning 82-daqiqasiga kelib Jerom Boateng ikkinchi sariq kartochkani olib, maydonni tark etdi. Ammo nemislar hakam tomonida qo‘shib berilgan daqiqalarda Toni Kroosning ajoyib zarbasi tufayli muhim g‘alabani ilib ketdi.
Shu tariqa Germaniya mundialdagi ilk 3 ochkosini o‘z hisobiga yozib qo‘ydi.
Jahon Chempionati
“F” guruhi, 2-tur bellashuvi
23-iyun, shanba
Germaniya—Shvetsiya 2:1
Gollar: 0:1 — 32 Toyvonen, 1:1 — 48 Roys, 2:1 — 90+5 Kroos.Germaniya: Noyer, Kimmix, Boateng, Ryudiger, Xektor (Brandt, 87), Rudi (Gyundogan, 31), Kroos, Myuller, Roys, Draksler (Gomes, 46), Verner.
Shvetsiya: Olsen, Lyustig, Lindelef, Grankvist, Augustinsson, Klasson (Durmaz, 74), Larsson, Ekdal, Forsberg, Toyvonen (Gvidetti, 78), Berg (Telin, 90).
Ogohlantirishlar: Ekdal (52), Boateng (71), Larsson (90).
Chetlatish: Boateng (82).
Izoh (0)