Shavkat Mirziyoyev Lyuksemburg gersogini tabrikladi
O‘zbekiston Prezidenti Shavkat Mirziyoyev 23-iyun kuni Lyuksemburg Buyuk Gersogi Anrini milliy bayram – Buyuk gersog tavalludi kuni munosabati bilan tabrikladi. Bu haqda Prezident matbuot xizmati xabar bermoqda.
Buyuk gersog tavallud kuni har yili 23-iyunda Lyuksemburgda keng nishonlanadi. Ushbu kunda harbiy paradlar, konsert-tomoshalar bo‘lib o‘tadi.
Lyuksemburg gersogi Anrining tug‘ilgan kuni aslida 16-aprel sanasiga to‘g‘ri keladi. Milliy bayramni nishonlash Anrining buvasi Sharlottaning hukmronligi davrida boshlangan. 1919-yildan 1964-yilgacha hukmronlik qilgan Buyuk gersoginya Sharlottaning tug‘ilgan kuni har yili 23-yanvarda nishonlangan.
1960-yillarda qish fasli paradlar o‘tkazish uchun qulay vaqt bo‘lmaganligi uchun milliy bayram 5 oyga surilgan va o‘shandan buyon aynan 23-iyun kuni Buyuk gersog kuni nishonlanadi.
