22-iyun kuni soat 19:51 da Toshkent shahar IIBB YoXBga Mirobod tumani, Aliyev ko‘chasida joylashgan ko‘p qavatli uyning ikki xonadonida yong‘in sodir bo‘lgani haqida xabar kelib tushdi. Bu haqda IIBB axborot-multimedia markazi ma’lum qildi.
Yong‘in 3-qavatdagi xonadonda kelib chiqqan va dastlabki taxminga ko‘ra, bunga gaz plitasida yog‘ qizdirilayotgan qozonning qarovsiz qoldirilgani sabab bo‘lgan. Olovni o‘zi o‘chirishga uringan xonadonning 4 nafar a’zosi kuyish jarohatini olgan va kasalxonaga yotqizilgan.
Alanga yuqori qavatning balkoniga o‘tgan. Ushbu xonadondan 3 kishi o‘t o‘chiruvchilar tomonidan qutqarildi.
Soat 20:13 da tezkor harakatlar natijasida yong‘in to‘liq bartaraf etildi.
Izoh (0)