Suriyada jangarilarning minomyotdan o‘qqa tutishi oqibatida 2 kishi halok bo‘ldi

Suriya janubidagi Suveyda shahrida noqonuniy jinoiy uyushma jangarilarining aholi yashovchi kvartallarni minomyotdan o‘qqa tutishi oqibatida ikki kishi halok bo‘ldi. Yana uch kishi yaralandi. Bu haqda SANA Suriya milliy agentligi ma’lumotiga tayanib, “RIA Novosti” xabar bermoqda.

Agentlikka ko‘ra, otishmalar oqibatida shaharda elektr uzatish to‘xtagan. Mazkur otishma hafta mobaynidagi ikkinchisi bo‘ldi. Jangarilar qo‘shni Der’a viloyatidan o‘t ochganligi ta’kidlanmoqda.

Suriya artilleriyasi, o‘z navbatida, jangarilarning Der’adan shimoli-sharqdagi Al-Xirak va Der’adan janubdagi Baser al-Xarir qishlog‘idagi pozitsiyalariga zarbalar bergan.