O‘zbekiston—Tojikiston o‘rtasida 6 ta yo‘nalish bo‘yicha avtobuslar qatnaydi

Bir oy ichida 5 ta yangi yo‘nalish bo‘yicha avtobuslar qatnovi yo‘lga qo‘yiladi: Dushanbe—Denov, Deshanbe—Termiz, Panjikent—Samarqand, Xo‘jand—Qo‘qon, Istaravshan—Bekobod. Bu haqda Asian Express kompaniyasi rahbari Sulton Kamolovning bergan ma’lumotiga tayanib, “Kommersant.uz” xabar berdi.

Ayni vaqtda O‘zbekiston va Tojikiston o‘rtasida 1 ta yo‘nalish (Xo‘jand—Toshkent) bo‘yicha avtobus qatnovi yo‘lga qo‘yilgan.

Kamolovning so‘zlariga qaraganda, tomonlar poyezdlarning qatnash grafigi va narx tariflari bo‘yicha kelishib bo‘lgan. Dastlabki hisob-kitoblarga ko‘ra, Dushanbedan Denovga yo‘lkira haqi — 25 somoniy, Dushanbedan Termizga — 52 somoniy, Panjikentdan Samarqandga — 20 somoniyga teng bo‘ladi.

Eslatib o‘tamiz, 2018-yilning bahorida mamlakatlar o‘rtasidagi viza tartibi bekor qilingan.