2003—2013-yillarda amal qilgan qotillarning eng yirik uyushgan jinoiy guruhi yetakchisi — Jako laqabli Aslan Gagiyev Rossiyaga ekstraditsiya qilindi. Bu haqda 20-iyun, chorshanba kuni “112” Telegram kanali ma’lum qildi.
“Aslida bu ashaddiy kallakesarlardan iborat xususiy armiya bo‘lgan. Jako jinoiy to‘dasi ishtirokchilarining hisobida 60 dan ortiq qotillik qayd etilgan. Bir necha soatdan so‘ng Venadan parvoz qilgan, 1-raqamli killerni olib kelayotgan bort Moskvaga qo‘nadi”, — deyiladi xabarda.
Eslatib o‘tamiz, 2017-yilning 27-noyabrida advokatlar Gagiyevni samolyot trapidan tushirib qolishga erishgan edi. Samolyot jinoyatchini Rossiyaga yetkazishi kerak edi. Himoya Gagiyev aerofobiya — parvozlardan qo‘rqish kasalligining og‘ir formasiga chalinib qolganligi to‘g‘risidagi hujjatlarni taqdim etgan edi.
Rossiyada unga umrbod ozodlikdan mahrum etish jazosi tahdid qilmoqda. Gruziya fuqarosi Gagiyev Rossiyani 2013-yilda tark etgan va 2015-yilning 17-yanvarida Avstriyada qo‘lga olingan edi. Keyinroq u garov evaziga qo‘yib yuborilgan va shundan so‘ng Bolgariyaga qochishga uringan, biroq qo‘lga olingan.
Izoh (0)