Yaponiyadagi zilzila qurbonlari soni 5 kishiga yetdi

Yaponiyaning Osaka prefekturasida yer silkinishi qurbonlari soni besh kishiga yetdi. Bu haqda 19-iyun kuni Kyodo agentligi xabar qildi, deb yozadi “TASS”.

Avvalroq to‘rt kishi halok bo‘lganligi, 360 kishi jabrlanganligi haqida xabar berilgan edi.

Eslatib o‘tamiz, 18-iyun, dushanba kuni Xonsyu oroli janubi-g‘arbida 6,1 magnitudali zilzila sodir bo‘ldi. Uning o‘chog‘i Osaka prefekturasidan shimolda 13 kilometr chuqurlikda joylashdi.

Meteorologiya boshqarmasi ma’lumotlariga ko‘ra, sutka davomida Osakada 26 ga yaqin turli magnitudali takroriy silkinish yuz bergan. Mutaxassislar mazkur mintaqada seysmik faollik hafta mobaynida davom etishi mumkinligi haqida ogohlantirdi.