Rossiyalik fiziklar optika qonunlarini “buzuvchi” gadjetlar yaratilishini tezlashtirdi

Rossiyalik olimlar metamaterial yoki grafen asosiga qurilgan turli optik qurilmalarni loyihalashtirishni tezlashtiruvchi matematik model yaratdi. Bu haqda “RIA Novosti” xabar berdi.

Olimlar tomonidan qayd etilishicha, bu qurilmalarning optik elementlarini oddiyroq bloklardan tuzilgan deb tasavvur qilish mumkin. Turli bloklar matritsasini bilgan holda ularni oddiy qoidalar yordamida turli kombinatsiyalarga kiritish mumkin.

So‘nggi yillarda olimlar metamateriallar tarkibini faol o‘rganmoqda. Ular yorug‘lik bilan noodatiy tarzda aloqaga kirisha oladigan ko‘plab bo‘laklardan iborat tuzilma hisoblanadi. Fiziklar metamaterillarni kelajakning o‘ta tezkor kompyuterlari va boshqa mukammal qurilmalari asosi bo‘ladi, deb hisoblamoqda.