18-iyun kuni Toshkent shahrining Botanika bog‘ida tashkillashtirilgan “Top-500” tadbirkorlar hamjamiyati forumida Toshkent shahar hokimi v.b. Jahongir Ortiqxo‘jayev ma’ruza qildi. Bu hokimning tadbirkorlar va jurnalistlar ishtirokida anjuman doirasida ilk ma’ruza qilishi edi, deb yozadi O‘zA.
“Bugungi forumdan maqsad nima? Maqsad – bugungi kunda Toshkent shahar rahbariyatining ishini butunlay yangicha olib borilayotganini namoyish etish. Tuzayotgan yangi rejalarimizda biznes ‘Top-500’ hamjamiyati bilan hamkorlikni mustahkamlash ham turibdi. Ayniqsa, Toshkentni Markaziy Osiyoning eng rivojlangan megapolisiga aylantirishda bu hamkorligimiz yaqqol namoyon bo‘ladi”, — dedi Jahongir Ortiqxo‘jayev.
Hokim o‘z rejalarini taqdim etish bilan birga Toshkent shahri budjeti tushumi miqdorini va shaharning umumiy salohiyatiga oid statistik ma’lumotlarni ham e’lon qildi.
Unga ko‘ra:
- Toshkent shahri budjeti yiliga 11,5 trillion so‘m tushumga ega.
- Poytaxtda 39 ta Oliy o‘quv yurtlari mavjud va ularda 115 ming talaba tahsil olmoqda.
- 3 milliondan ortiq aholi istiqomat qiladi.
- Shaharning kichik va o‘rta bizneslarining umumiy soni 65 mingta.
- Poytaxt 18 kvadrat kilometrga kengaytirilishi kutilmoqda.
Izoh (0)