Koinotdan olingan tasvirlar Rossiya Kaliningraddagi yadro quroli saqlanadigan bunkerni ancha modernizatsiya qilganini ko‘rsatdi, deb yozadi Forum Daily.
Amerika olimlari federatsiyasi tomonidan e’lon qilingan sun’iy yo‘ldosh tasvirlariga ko‘ra, qayta tiklash ishlari obyektda 2016-yil o‘rtalaridayoq boshlangan. Bu davr ichida uchta yer osti bunkerlaridan bittasi qazib ochilgan va chuqurlashtirilgan, yaqinda esa u yana yopib qo‘yilgan.
“Bu yaqin orada tezkor statusga qaytish uchun amalga oshirilgani taxmin qilinmoqda”, — dedi Amerika olimlari federatsiyasi ekspertlari.
Shu bilan birga, 2002—2010-yillarda obyektda hech qanday ishlar olib borilmagan.
Mutaxassislar tasvirlarga qarab obyektda yadro quroli saqlangani yoki kelajakda saqlanishini aytib bera olmadi.
Kreml Kaliningrad hududidagi modernizatsiya ishlari haqidagi xabarlarni izohlagani yo‘q, ammo avvalroq u yerga qurol joylashtirish bo‘yicha o‘z huquqini faol himoya qilgan edi.
Izoh (0)