Xitoyda birinchi marta quyonsimonlar turkumiga kiruvchi va “sehrli quyon” deb nom olgan Ili Pika (Ili pishchuxasi)ni videoga olishga muvaffaq bo‘lishdi, deb yozadi IFLScience.
Ushbu jonivorlar o‘rganilmagani va odam yashaydigan hududlarda kamdan-kam ko‘rinishi tufayli “sehrli quyonlar” deb ataladi. Bu biologik tur vakillari birinchi marta 1983-yilda tabiatni asrash xizmati xodimi Li Veydun tomonidan aniqlangan.
Jonivor yashashi taxmin qilingan joylarga “videoqopqonlar” qo‘yib chiqilgach, u qopqonlardan birining obyektiviga tushib qolgan. Video YouTube’ga joylandi.
Ili Pika’lar Xitoyning tog‘li Tyanshan massivida yashaydi. Ularning soni 2 mingga yaqin deb taxmin qilinmoqda. Jonivorning bo‘yi qariyb 20 santimetrga teng.
Izoh (0)