O‘zbekistonda Huawei kompaniyasining fotoapparatlar ishlab chiqaruvchi mashhur Leica kompaniyasi bilan hamkorikda yaratilgan uchta asosiy kamera o‘rnatilgan P20 Pro flagman kamerofoni sotuvga chiqdi, deb yozadi “Mobinfo.uz”.
6,1 dyuymli smartfonning uchtalik Leica kamerasi 40 megapikselli RGB-sensor, 20 megapikselli monoxrom hamda 8 megapikselli uzun fokusli obyektiv bilan jihozlangan sensorlar to‘plamidan iborat.
Toshkentdagi “Malika” savdo markazida Huawei P20 Pro 6 680 000 so‘mdan sotilmoqda. Taqqoslash uchun, ikkita asosiy kameraga ega Huawei P20 modelini 5 040 000 so‘mga sotib olish mumkin.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)