JCh—2018. Braziliya hisobda oldinda borib ham Shveysariyani yuta olmadi (video)
17-iyun sanasida Rossiyadagi Jahon Chempionatining “E” guruhidan o‘rin olgan Braziliya hamda Shveysariya terma jamoalari 1-tur doirasida o‘zaro to‘qnash keldi.
Uchrashuvda hisob 20-daqiqada Filippe Koutinyo tomonidan ochildi. “Barselona” yarim himoyachisi o‘z uslubida jarima maydonchasiga kirmasdan ajoyib zarba berib, Yan Zommerni ojiz qoldirdi.
Ikkinchi bo‘limning 50-daqiqasiga kelib Stiven Suber burchakdan oshirib berilgan to‘pni Alisson qo‘riqlayotgan darvozaga joylab qo‘ydi.
Shu hisob o‘yin oxiriga qadar o‘zgarmadi.
“E” guruhi peshqadami esa Kosta-Rikani mag‘lub etgan Serbiya bo‘lib turibdi.
Jahon Chempionati
“E” guruhi, 1-tur bellashuvi
17-iyun, yakshanba
Braziliya—Shveysariya 1:1
Gollar: 1:0 — 20 Koutinyo, 1:1 — 50 Suber.
Braziliya: Alison Beker, Tyago Silva, Miranda, Marselo, Danilo, Kazemiro (Fernandinyo 60), Filippe Koutinyo, Paulinyo, Villian, Gabriel Jezus (Firmino 80), Neymar.
Shveysariya: Yan Zommer, Stefan Lixtshtayner (Lang 87), Manuel Akanji, Rikardo Rodriges, Fabian Sher, Granit Jaka, Valon Bexrami (Zakariya 71), Stiven Suber, Blerim Jemayli, Jerdan Shakiri, Xaris Seferovich (Embolo 80).
Ogohlantirishlar: Kazemiro 47, Lixtshtayner 31, Sher 65, Bexrami 68.
