Samarqand tumanining “O‘zbekkenti” mahallasida joylashgan maishiy xizmat ko‘rsatish binosi oldida o‘rnatilgan gaz taqsimlash qutisining yer ostidan o‘tgan quvuridan tabiiy gaz sizib chiqib, binoning yerto‘lasida to‘planib qoladi. Bu haqda IIV jamoatchilik va OAV bilan aloqalar boshqarmasi xabar berdi.
Buning oqibatda binoda joylashgan nonvoyxona ishchisi, mazkur mahallasida yashovchi J.R. elektr chirog‘ini yoqqan vaqtida gaz va havo aralashmasidan portlash sodir bo‘lib, yong‘in kelib chiqdi.
Yong‘in natijasida nonvoyxonada ishlovchi J.R. va Urgut tumanida yashovchi X.D. kuyish jarohatlari bilan kasalxonaga yotqizildi. Surishtiruv ishlari olib borilmoqda.
Izoh (0)