Fotomodel va aktrisa Kim Kardashyanning siyosat bilan shug‘ullanish ehtimoli bor, deb yozmoqda CNN.
Kardashyan giyohvand moddalarni saqlashda ayblangan 63 yoshli afroamerikalik Elis Jonsonning afv etilishiga erishgan. Aktrisaning so‘zlariga qaraganda, bu voqea uning hayotini o‘zgartirib yuborgan.
CNN jurnalistining prezidentlik saylovlariga nomzodini qo‘yishi to‘g‘risidagi savoliga Kardashyan “Hech qachon ‘hech qachon’ deb bo‘lmaydi. Lekin bu men saylovlarga tayyorgarlik ko‘rishni boshladim, degani emas”, – deya javob bergan.
Avvalroq, 6-iyun kuni AQSh prezidenti Donald Tramp Kim Kardashyanning iltimosiga ko‘ra Elis Jonsonning qamoq muddatini qisqartirgani xabar qilingan edi.
Izoh (0)