Hindiston shimoli-sharqidagi hududlarda suv toshqini oqibatida kamida 17 kishi halok bo‘lgan. Suv toshqini Assam, Mizoram va Tripura shtatlariga katta talofat yetkazgan. Bu haqda “Vesti.ru” xabar beradi.
Mintaqadagi kuchli musson yomg‘irlari daryolardagi suvning keskin ko‘tarilishiga olib kelgan va ko‘plab ko‘chkilarga sabab bo‘lgan.
Suv toshqini oqibatida kamida 425 ming kishi jabrlangan.
Qochqinlarni joylashtirish uchun mahalliy hokimiyat organlari vaqtinchalik yashash joylarini tashkil qilgan va falokatdan zarar ko‘rgan aholiga yordam kuchlari yuborilganligi haqida ma’lumot bergan.
Izoh (0)