Tesla’ning bir nechta xodimi anonimlik sharti bilan Business Insider portaliga Ilon Mask kompaniyasining ishi haqida gapirib berdi, deb yozmoqda “RIA Novosti”.
Savdo bo‘limida ishlagan va qisqartirishga tushgan ayol rahbariyat tomonidan berilgan topshiriqni bajarish uchun dam olish kunlari va tunda ishlashiga to‘g‘ri kelganini aytgan. Bunda kompaniya bir necha marta o‘z majburiyatlarini bajarmagan, masalan, transport xarajatlarini to‘lamagan va ish kiyimini bermagan.
2015-yildan buyon Tesla avtomobillarini yetkazib berish bo‘limida ishlagan boshqa bir sobiq xodim bu vaqt ichida uning jamoasiga yuklama olti marta ortganini, biroq xodimlar soni kamayganini aytgan. Uning lavozimi esa ogohlantirishsiz qisqartirilgan.
Xodimning so‘zlariga ko‘ra, xodimlar yetishmaydi, biroq kompaniya xodimlarning to‘qqiz foizini qisqartirmoqda. Uning so‘zlariga ko‘ra, ishdan bo‘shatilishidan oldingi olti ish kunlik ikki hafta davomida u 60 soatdan ishlagan.
Kompaniyada hali ham ishlayotgan Tesla muhandisi o‘z rahbarining bo‘shatilganini u yig‘ilishga kelmaganidagina bilgan. Uning fikriga ko‘ra, rahbariyat qolishi kerak bo‘lgan kishilarni bo‘shatgan.
Avvalroq Tesla rahbari Ilon Mask qayta tashkil qilish munosabati bilan kompaniyaning to‘rt mingdan ortiq xodimi ishdan bo‘shatilganini ma’lum qilgan.
Izoh (0)