The National Interest nashrining muallifi Devid Paynning so‘zlariga qaraganda, AQShning “Axill payi” yadroviy dispariteti (notengligi) hisoblanadi.
Ekspertning fikricha, Rossiyada AQShga qaraganda uch barobar ko‘proq yadroviy qurol tashuvchilar mavjud. Bundan tashqari Rossiya, Xitoy va KXDR ayni vaqtda o‘zlarining yadroviy imkoniyalarini muntazam takomillashtirib bormoqda. Xususan, Xitoy umumiy uzunligi 5 ming kilometr keladigan yer osti tunnellarini yaratmoqda. Bu qit’alararo ballistik raketalarni saqlash va tashishga mo‘ljallangan.
Shuningdek, Shimoliy Koreya kichik yadroviy jangovar kallakchalar borasida muvaffaqiyatga erishgan.
Payning taklifiga ko‘ra, Amerikaning yadroviy potensialini oshirish va mustahkamlash uchun Ohio turidagi yadroviy suv osti kemalari ekspluatatsiyasini 10 tadan 14 taga qadar oshirish kerak (AQShda Ohio turidagi 14 ta submarina mavjud).
2017-yilning dekabrida AQSh Hisob palatasi Columbia turidagi yangi suv osti kemalari Pentagon tomonidan e’lon qilingan texnik tayyorlik darajasiga javob bermasligini ma’lum qilgandi. Mazkur submarinalar Ohio’larning o‘rnini egallashi lozim edi.
Izoh (0)