Yaman janubidagi Abyan provinsiyasida “al-Qoida” jangarilari hujumi oqibatida uch nafar harbiy halok bo‘ldi, yana yetti nafari jarohat oldi. Bu haqda “RIA Novosti” xabar berdi.
Jangarilar minalashtirilgan mashina yordamida BAA tomonidan qo‘llab-quvvatlanadigan xavfsizlik belbog‘i kuchlari kazarmasiga hujum qilgan.
Xabar qilinishicha, mazkur hujumdan keyin terrorchilar yana bir hujumni uyushtirgan.
Oqibatda xavfsizlik belbog‘i kuchlari rahbarining o‘rinbosari va ikki nafar askar halok bo‘lgan, shuningdek, yetti nafar askar, xususan, kuchlar qo‘mondoni jarohat olgan.
“Al-Qoida” terrorchilari Yamandagi tarang vaziyatdan foydalanib, asosan mamlakatning janubiy qismida harakat qiladi. Mamlakatda 2014-yildan buyon hukumat va “Ansorulloh” harakatining isyonchilari o‘rtasida harbiy-siyosiy nizo davom etmoqda.
Izoh (0)