Giving USA fondining 12-iyun kuni e’lon qilgan hisobotiga ko‘ra, AQShda xayriya qilingan mablag‘larning rekord darajasi qayd etilgan, deb yozmoqda Forum Daily.
2017-yili amerikaliklar 410,02 milliard dollarni xayriya ishlariga sarflagan. Bu ko‘rsatkich 2016-yildagiga nisbatan 5,2 foizga ko‘proqdir.
Giving USA fondi ma’lumotlariga qaraganda, xayriya ko‘lamining ortishiga fond bozorining barqarorligi va turmush darajasining yaxshilangani sabab bo‘lgan.
Ma’lum qilinishicha, jami mablag‘larning yarimidan ko‘pi jismoniy shaxslar tomonidan xayriya qilingan. Ular xayriya ishlariga 286,7 milliard dollar sarflagan. Shuningdek, fondlar tomonidan 66,9 milliard hamda turli korporatsiyalar tomonidan 20,8 milliard dollar xayriya qilingan.
Pullarning asosiy qismi alohida shaxslar, jumladan Bill va Melinda Geyts, Mark Sukerberg va Prissila Chan, shuningdek, Maykl va Syuzen Dell tomonidan xayriya qilingan.
Shuningdek, madaniyat va san’atga aloqador tashkilotlarga xayriya qilingan mablag‘lar miqdori 8,7 foizga ortgan.
2017-yili amerikaliklar rekord darajadagi 127,37 milliard dollarni diniy tashkilotlarga xayriya qilgan. Bu 2016-yilga nisbatan 2,9 foizga ko‘pdir. Xabar qilinishicha, xayriya pullari miqdori oshgan, biroq xayriya ishlari bilan shug‘ullanadigan amerikaliklarning soni kamaygan.
Izoh (0)