Los-Anjeles okrugi sudi Anjelina Joli va Bred Pittning farzandlari otasi bilan ko‘rishmayotgani ularning fe’l-atvoriga salbiy ta’sir ko‘rsatadi, deb topdi. Shu tarzda sudya Joliga farzandlarining otasi bilan ko‘rishishiga sharoit yaratib berish vazifasini yukladi, deb yozadi “Korrespondent.net”.

Foto: EPA

Ma’lumki, hozirda aktyorlarning farzandlari Anjelina bilan yashaydi. Biroq, sud qaroriga ko‘ra, bolalarning otasi bilan suhbatlashib turishi ularning taqdirida muhim o‘rin tutadi.

Qayd etilishicha, juftlikning katta o‘g‘li Medoks ota-onasi bilan qancha vaqtni birga o‘tkazishini o‘z hal qilishi mumkin.

Sud shuningdek, Anjelina Joliga olti nafar farzandlarining har birining telefon raqamlarini Bred Pittga taqdim etish vazifasini ham yukladi. Bundan tashqari, Bred farzandlari bilan gaplashayotganida Anjelina ularning suhbatini nazorat qilmasligi kerak.