Facebook rahbariyati Mark Sukerberg tomonidan AQSh parlamentida javob berilmagan savollarga yozma javoblarni taqdim etdi. Bu haqda AQSh Kongressi tomonidan e’lon qilingan mazkur maktubga tayanib, “Korrespondent.net” xabar berdi.
Xabar berilishicha, Facebook quyidagi ma’lumotlarni yig‘ib boradi:
- Ijtimoiy tarmoq oynasidagi faollik vaqti, chastotasi va davomiyligi (shu jumladan, oyna ochiq yoki fon rejimida turganligi haqidagi ma’lumot);
- Boshqa saytlarda amalga oshirilgan xaridlar;
- Foydalanuvchi brauzeridagi plagianlar;
- Qurilmadagi kursor harakati;
- Facebook mobil dasturidagi kameradan foydalanish;
- Fotosuratlarning metama’lumotlari (suratga olingan vaqt va joy);
- O‘rnatilgan mobil dasturlar;
- Foydalanuvchi qurilmasidagi fayllar nomi va turi;
- Mobil dasturlar identifikatorlari;
- Qurilmadagi bo‘sh joy miqdori;
- Foydalanuvchining aloqa ma’lumotlari;
- Android qurilmalaridagi qo‘ng‘iroqlar jurnali va SMS’lar tarixi;
- Eng yaqin Wi-Fi va mobil aloqa nuqtasi;
- Kompyuter orqali ulangan mobil va statsionar provayderlar, tarmoqqa ulangan telefonlar, televizorlar va boshqa qurilmalar haqida ma’lumot;
- Qurilmaning quvvat darajasi;
- Qurilmadagi sozlamalar va ruxsatlar;
- Boshqa foydalanuvchilarning ma’lumoti va fotosuratlari, shuningdek, ular bilan o‘zaro aloqa va munosabatlar chastotasi.
Izoh (0)