Amerikalik ayol kamida sakkizta oilasi bo‘lgan otasining barcha farzandlarini izlab topdi, deb xabar beradi Daily Mail.

Foto: Daily Mail

Konni Hoye o‘zining uka-singillarini DNK testlari va onlayn genealogik xizmatlar yordamida izladi. U hozirga qadar besh nafar qondosh opa-singillari hamda olti nafar aka-ukalarini topgan. Ular bir-birini tanimagan va turli shtatlarda istiqomat qilgan.

Ayolning fikricha, qondoshlari bundan ham ko‘p bo‘lishi mumkin.

Enton Uilyam Berron uning onasini 1962-yilda tashlab ketgan. O‘shanda qizcha bir yoshga ham to‘lmagan edi.

Ma’lum bo‘lishicha, erkak qizi tug‘ilgan tug‘uruqxonadagi hamshiraga ilakishib qolgani uchun oilasidan voz kechgan.

Yangi sevgilisi ham farzand dunyoga keltirganida erkak yana yo‘qolib qoladi.

Shu tarzda erkak AQShning bir nechta shtatlarida ko‘p marta uylangan.

Birgina Luiziana shtatida uning beshta oilasi borligini aniqlagan shtat ma’muriyati erkakni ko‘p xotinlilik uchun hibsga olgan. U 1979-yilda o‘zi rafiqasini tortib olgan erkak tomonidan o‘ldirilgan.