Toshkent shahridagi Korporativ boshqaruv ilmiy-ta’lim markazida bozorlar va raqobatni rivojlantirish bo‘yicha Alternatus deb nomlangan platformaning ilk munozarasi o‘tkazildi. Bu haqda O‘zA xabar berdi.
Xususiylashtirish, raqobat va korporativ boshqaruvni rivojlantirish muammolarini tadqiq etish markazi, Xalqaro biznes va texnologiyalar uyushmasi va Korporativ boshqaruv ilmiy-ta’lim markazi hamkorligida tashkil etilgan tadbirdan ko‘zlangan asosiy maqsad biznesni rivojlantirish va bozorlarda raqobatni kuchaytirishda uchrayotgan muammolarini aniqlashga qaratilgan.
Bozorlar va raqobatni rivojlantirish bo‘yicha Alternatus munozaralar maydoni tadbirkorlar, turli davlat idoralari vakillari, tadqiqotchilar va frilanserlarning uchrashuv joyi sanaladi. Unda ishtirokchilar biznes ekotizimini yaxshilash, iqtisodiyotda sog‘lom, raqobatbardosh muhitni shakllantirish, biznesda yangi va samarali yo‘nalishlarni ilgari surish, tadbirkorlik va iqtisodiyotni rivojlantirishning eng dolzarb mavzularini tahlil qiladi va o‘zaro fikr almashadi.
O‘tkazilgan ilk munozara mamlakatda “Halol” standarti talablarini qo‘llagan holda ishlab chiqariladigan va sotiladigan tovarlar bozorini barpo etish hamda sohani rivojlantirish imkoniyatlari va muammolariga bag‘ishlandi.
Izoh (0)