Germaniyalik bloger walkoArt Shtutgart shahrida yangi avlod Mercedes-Benz GLE krossoverini yopinchiqsiz tasvirga olishga muvaffaq bo‘ldi. Bu mashinaning rasmiy taqdimotiga yaqin qolganligini bildiradi, deb yozmoqda “Motor”.
Videobloger krossoverni faqat orqa tomondan suratga ola olgan. Yangi mashina avvalgi avloddagi kabi orqa eshikdagi qiya qalin ustunni saqlab qolgani videoda ko‘rinadi. Ko‘rinib turgan asosiy farq — toraytirilgan orqa yoritgichlar hisoblanadi. Bu hozirgi modelning restayling qilingan ko‘rinishini eslatadi, biroq mashinada orqa eshiklardagi farq sezilib turibdi.
Mercedes-Benz GLE’ning yangi avlodi uning asosiy raqobatchisi bo‘lgan to‘rtinchi avlod BMW X5 bilan bir vaqtda taqdim etiladi. Mercedes-Benz GLE’ning amaldagi avlodi 2015-yildan buyon ishlab chiqarilmoqda, biroq amalda esa u 2011-yilda ishlab chiqarilgan to‘liq uzatmali ML’ning biroz yangilangan talqini hisoblanadi.
Izoh (0)