O‘zbekiston terma jamoasi himoyachisi Vitaliy Denisov Moskvaning “Lokomotiv” klubini tark etadi, deb yozmoqda “Championat.com”.
“Lokomotiv”ning chempionlikka erishgan mavsumida asosiy tarkibda kam o‘yin amaliyotiga ega bo‘lgan o‘zbekistonlik futbolchi bilan shartnomani uzaytirmaslik haqida qaror qilingani aytilmoqda. Uning jamoada qolish ehtimoli juda past baholangan.
O‘tgan mavsumda 31 yoshli futbolchi jarohatlar sabab Rossiya chempionatining 11 ta o‘yinda maydonga tushdi, xolos.
Transfermarkt ma’lumotiga ko‘ra Denisovning transfer narxi 4 million yevroga teng.
Eslatib o‘tamiz, biroz avval “Tosno” bilan Rossiya Kubogini qo‘lga kiritgan o‘zbekistonlik yarim himoyachi jamoasini almashtirishi haqida xabar berilgandi.
Izoh (0)