Janubiy Afrika Respublikasidan bo‘lgan jurnalist ayol Su-An Mare qarindoshlaridan birining yubileyini nishonlash uchun butun oilasini Botsvanadagi qo‘riqxonada yig‘di, deb yozmoqda National Geographic.
Ekskursiyalardan birida oila a’zolari qayiqda Chobe daryosi bo‘ylab suzdi. Qayiqning motori o‘chirilgan edi, u hayvonlarni bezovta qilmasdan suv bo‘ylab oqib borardi.
Birozdan so‘ng qayiq filga yaqinlashdi. Fil jimgina nafas olib, o‘t chaynardi. Biroq qayiq va filning orasida bir necha metr qolganda, hayvon keskin burildi va qayiq tomonga kelib, uning bortini bir necha marta silkitdi.
Su-An hodisadan bir lahza oldin videoga olishni boshlagan edi, jahli chiqqan filning hujumi videoga tushdi.
Sayyohlar baxtiga zarbalar qayiqni nariga surib yuborishga yetdi, xolos. Odamlar hodisa joyini jarohatsiz tark etishga muvaffaq bo‘ldi.
Izoh (0)