Dunyo bo‘yicha mahsulot va xizmat iste’molchilari o‘z xohish va didlari borasida tobora talabchan bo‘lib bormoqda. Bu holat tadbirkorlik uchun yangi talablar yuzaga keltiradi. Hozirgi kunda yaxshi mahsulot ishlab chiqarishning o‘zi kamlik qiladi, mahsulot haqida ma’lumotni yetkazib berish va ehtimoldagi mijozlarga uni baholash uchun imkon tug‘dirish ancha qiyinroq jarayon. Dunyo bo‘yicha iste’molchilar uchun raqobatning kuchayib borayotgani hech kimni chetda qoldirmayapti. Raqobatbardoshlikni oshirish va mahsulotni elga tanitishda televizion reklama juda muhim rol o‘ynaydi. Mutaxassislarning fikricha, iste’molchilarga ma’lumot yetkazib berish borasidagi barcha imkoniyatlar ichida televizion reklamaning o‘rni beqiyos.
IMS (International Media Service) kompaniyasi O‘zbekistondagi kichik va o‘rta biznesni qo‘llab-quvvatlash maqsadida sherik hamkor telekanallar bilan birgalikda kuchli reklama vositasi — televizion reklamadan foydalanishni osonlashtirishni maqsad qilgan “IMKON” nomli yangi mahsulot yaratdi. Baland narxi sabab TV reklamadan foydalana olmayotgan reklama beruvchilar esa iste’molchilarga mahsulot haqida ma’lumotlarni yetkazib beruvchi va uning raqobatbardoshligini oshiruvchi dasturga ega bo‘ldi. Loyiha may oyida ishga tushirildi.
“Mutaxassislarimiz har qanday mahsulotning maqsadiga mos ravishda maksimal samaradorlik bilan kerakli auditoriyani qamrab oluvchi to‘plam takliflarni shakllantirdi. Hamkorlarimiz sirasidan bo‘lgan ijodiy studiyalar mahsulot afzalliklariga e’tiborni jalb etuvchi reklama roligini yaratib beradi. Va nihoyat, reklama borasida to‘g‘ri qaror qabul qilishda tadbirkorlarga maslahat va amaliy yordam bera oladigan professional maslahatchilar guruhini tayyorladik. ‘IMKON’ to‘plam takliflari doirasida o‘z reklamalarini joylashtirib, reklama beruvchilar minimal sarmoya bilan maksimal natijalarga erishadi”, — deyiladi kompaniya xabarida.
“Narxi yuqori va biz uchun unchalik qulay bo‘lmagani sababli, avvallari TVdan faqatgina biznes vositasi sifatida foydalanardik. Ammo IMS tomonidan taqdim etilayotgan ‘IMKON’ to‘plam takliflari vositasida TV reklama anchayin hamyonbop bo‘ldi va albatta bu bizni juda quvontiradi. To‘plam takliflar aynan biz kutgan taklif. Ushbu takliflardan foydalanib, reklamani rejalashtirishga sarflanadigan vaqtimiz va kuchimizni iqtisod qilmoqdamiz. Va albatta, yaqin kelajakda brendimizning ommalashishi va mashhur bo‘lishini kutmoqdamiz. Bizga taqdim etilgan to‘plamlar reklama joylashtirish uchun yozning oxirigacha amal qiladi. Yil davomida bu kabi takliflar ko‘proq bo‘lishini istardik”, — deydi Travel System sayohat agentligi rahbari Anvar Mirzayev.
Izoh (0)