Kosovo va Metoxiyadagi serblarga hujumlar alohida hodisalar emas, balki darhol to‘xtatish zarur bo‘lgan uyushtirilgan terrordir. Bu haqda Serbiya hukumatining Kosovo va Metoxiya bo‘yicha devonxonasi ma’lum qildi, deya xabar beradi “RIA Novosti”.
Kosovoning Vitina posyolkasida ikki serb uyi toshbo‘ron qilindi. Jach qishlog‘i yaqinida pravoslav ruhoniysi Stevan Markovichning avtomobili qurshovga olindi va toshlar uloqtirildi. Staro Gratsko qishlog‘ida mahalliy albanlar va serb oilasi o‘rtasida mushtlashuv ro‘y berdi. Petrich qishlog‘idagi norozilik namoyishlar davomida 3 nafar serb albanlardan jabrlandi.
“Kosovo va Metoxiyada serblar hamda ularning mol-mulkiga har kungi hujumlar ayrim holatlar turkumi emas, uyushgan terrorning bir ko‘rinishidir. U nafaqat avtonom o‘lkadagi fuqarolarimiz, balki bizning davlatga ham tahdil hisoblanadi”, — deyiladi devonxona bayonotida.
Izoh (0)