Toshkent shahrida 3 qavatli bino 15 milliard so‘mdan oshiq boshlang‘ich narx bilan auksionga qo‘yildi. Bu haqda Spot xabar bermoqda.
E-ijro auksion saytida joylashtirilgan ma’lumotlarga ko‘ra, binoning umumiy maydoni 2,5 ming kvadrat metr bo‘lib, 88 ta xonadan iborat.
Do‘stlik bog‘i va Pushkin maydoni yaqinida, Glinka ko‘chasi,19-uy manzilida joylashgan binoda “Elektrotarmoqqurilish” AJ joylashgani, bino iqtisodiy sud qarori bilan 2017-yil avgustida muhrlangani bildirilmoqda.
Lotning boshlang‘ich narxi 15,1 milliard so‘m, bo‘nak puli esa 756 million so‘m etib belgilangan.
Ma’lumot uchun, bu poytaxtning markaziy qismida 15 milliard so‘mdan oshiq boshlang‘ich narx bilan sotuvga qo‘yilgan uchinchi bino hisoblanadi.
Izoh (0)