31-may, payshanba kuni Toshkent viloyati Zangiota tumani Eshonguzar qo‘rg‘oni Oybek mahallasida Sh. Akbarov va undan mart oyida qarz olib qaytarmagan I. Hakimov o‘rtasida janjal kelib chiqqan, deb Toshkent viloyati IIB matbuot xizmati “Daryo”ga xabar berdi.
Sh. Akbarov I. Hakimovni qorin sohasiga pichoq bilan urib jarohat yetkazgan. Natijada Hakimov kasalxonaga yotqizilgan. I. Hakimovning qorin bo‘shlig‘ini teshib kirgan pichoq ko‘ndalang ichakni jarohatlagani aniqlangan.
Hodisa joyidan oshxona pichog‘i, jabrlanuvchining egnidagi kiyimlari va qonga o‘xshash dog‘lardan namuna olingan.
Jarohatni yetkazgan Sh. Akbarov Jizzax viloyatida yashaydi, 1976-yilda tug‘ilgan, hozirda yollanma ishchilik qiladi. Akbarov muqaddam sudlanmagan va profilaktik hisobda turmagan.
Zangiota tuman IIB huzuridagi tergov bo‘limi tomonidan 2018-yil 1-iyun kuni Jinoyat kodeksining 104-moddasi 1-qismi bilan jinoyat ishi qo‘zg‘atilgan.
Izoh (0)