“O‘zbekiston havo yo‘llari” styuardessalari Moskvada bo‘lib o‘tgan xalqaro tanlovda ikki nominatsiya bo‘yicha g‘olib deya topildi, deb xabar beradi Sputnik.
Sky Service-2018 professionallar konkursida o‘zbekistonlik styuardessalar “Yil jamoasi” va “Yilning eng yaxshi styuardessasi” nominatsiyalari bo‘yicha g‘olib bo‘lishdi.
“O‘zbekiston havo yo‘llari” jamoasi tarkibida styuardessalar Dilnoza Abdullayeva va Natalya Kim, ularning brigadirlari Vilena Rodnova va Ra’no Bababekova ishtirok etishdi. Guruh rahbari o‘tgan yilgi tanlovda oltin medal sohibi bo‘lgan Elvina Kaybulayeva.
MAK jamoasi forum ishtirokchilariga O‘zbekistondan olib kelingan suvenirlar va Samarqand nonini ulashishdi.
Sky Service – havo transporti sohasida xizmat ko‘rsatuvchi professionallarning nufuzli forumi bo‘lib, bu safar unda Rossiya va xorijdan kelgan 40 dan ortiq aviakompaniyalar, 50 dan ortiq ovqat tayyorlash va boshqa xizmatlarga ixtisoslashgan korxonalar ishtirok etishdi.
Forum doirasida, shuningdek, stuyuardessalar uchun “Samolyot bortida savdo xizmati” mavzusida o‘quv dasturi ham bo‘lib o‘tdi.
Izoh (0)