Uganda g‘arbida yo‘lovchi avtobusning traktor va pivo ortilgan sisterna bilan to‘qnashib ketishi oqibatida kamida 40 kishi halok bo‘ldi, deya xabar bermoqda “RIA Novosti”.
“Sinxua” agentligi axborotiga ko‘ra, yo‘l-transport hodisasi 26-may, shanbaga o‘tar kechasi Kiryandongo tumanida yuz bergan. Halok bo‘lganlarning uch nafari bolalar ekani aytilmoqda.
Qurbonlardan tashqari yana bir necha kishi tan jarohati olgan, biroq ularning aniq soni hozircha ma’lum emas.
Mahalliy politsiya vakilining so‘zlariga ko‘ra, hozirgi vaqtda hodisa joyida qutqaruvchilar va huquq-tartibot organlari xodimlari ish olib bormoqda.
Uganda o‘lim bilan tugaydigan YTHlar soni bo‘yicha jahonda oldingi o‘rinlardan birida turadi. Mamlakatda har yili 20 mingdan ziyod avariyalar yuz beradi, buning oqibatida 2 mingdan ortiq odam halok bo‘ladi.
Izoh (0)