Checheniston rahbari Ramzan Qodirov Ukrainaning unga va boshqa rossiyaliklarga qarshi sanksiyalar kiritish haqidagi qarorini izohlar ekan, falokat chog‘ida Ukrainaga AQSh va uning ittifoqdoshlari emas, balki faqat Rossiya yordamga kelishini aytdi, deb yozadi “RIA Novosti”.
24-may kuni Ukraina prezidenti saytida Rossiyaga qarshi joriy qilingan choralar ro‘yxati chop etildi. Sanksiya ro‘yxatiga 1,75 ming jismoniy shaxs, shu jumladan, Qodirov ham kirdi.
“Poroshenko menga sanksiya e’lon qildi, bizning ajdodlarimiz esa ochlikdan Shimoliy Kavkazga kelib qolgan minglab ukrainlarni qutqarib qolgan. Chechenlar son-sanoqsiz ayollar, qariyalar va bolalarga boshpana, ust-bosh berdi, qornini to‘ydirdi. Bugun esa ularning avlodlari Chechenistonda yashaydi. Bu ta’na-malomat emas. Bu falokat chog‘ida ukrainlarga amerikaliklar va ularning ittifoqdoshlari emas, balki Rossiya xalqlari yordamga kelishi haqida Poroshenkoga eslatma”, — deb yozdi u Telegram-kanalida.
Izoh (0)