Donald Tramp Kim Chen In 12-iyun kuni Singapurda bo‘lib o‘tadigan uchrashuvni birinchi bo‘lib bekor qilishidan xavfsirab, buni o‘zi amalga oshirdi, deb yozadi “Kommersant”.
NBC telekanali Oq uydagi manbasiga tayanib xabar qilishicha, bir kun oldin bunday qarordan asar ham bo‘lmagan.
Uchrashuvdan voz kechish kerak yoki kerak emasligi borasidagi muhokamada AQSh vitse-prezidenti Maykl Pens, davlat kotibi Maykl Pompeo, Oq uy ma’muriyati rahbari Jon Kelli va prezidentning milliy xavfsizlik bo‘yicha yordamchisi Jon Bolton qatnashgan. NBC manbalariga ko‘ra, aynan Bolton Donald Trampni Kim Chen In bilan uchrashuvdan qaytarishga qat’iyan uringan.
Eslatib o‘tamiz, AQSh prezidenti Donald Tramp KXDR rahbari Kim Chen In bilan uchrashuvni bekor qildi va buni Shimoliy Koreya tomonidan namoyish etilgan “ochiq dushmanlik” bilan tushuntirdi.
Izoh (0)