O‘zbekiston avtomobil transporti agentligi Samarqand viloyat boshqarmasi tashabbusi bilan “Temiryo‘l vokzali — Imom Buxoriy” yo‘nalishi bo‘yicha avtobus qatnovi yo‘lga qo‘yildi. Bu haqda “Zarafshon” xabar bermoqda.
Bir kunda uch marta shu yo‘nalish bo‘yicha harakatlanuvchi Isuzu rusumli avtobus mahalliy aholi uchun xizmat qiladi. Bir kilometr uchun 85 so‘mdan yo‘l haqi to‘lanadi.
— Ushbu yo‘nalishda yo‘lovchi tashishga xizmat ko‘rsatadigan transport vositalarini bosqichma-bosqich ko‘paytiramiz, — deydi agentlikning viloyat boshqarmasi boshlig‘i o‘rinbosari Farid Burhonov. — Shuningdek, Samarqand xalqaro aeroportidan Hazrati Dovud hamda Imom Buxoriy majmualariga avtobus va yo‘nalishli taksi qatnovlari tashkil etilmoqda.
Izoh (0)