Vazirlar Mahkamasi huzuridagi Ta’lim sifatini nazorat qilish davlat inspeksiyasi joriy yilning 14—18-may kunlari Qashqadaryo viloyatidagi umumta’lim muassasalarini attestatsiyadan o‘tkazish jarayonini nazorat qilish, o‘quvchilar bilimining Davlat ta’lim standartlariga mosligini tahlil qilish, oldingi o‘rganishlarda aniqlangan kamchiliklarni bartaraf etish bo‘yicha ishlab chiqilgan chora-tadbirlarning natijaviyligi va samaradorligiga baho berish hamda ta’lim sifatini oshirish borasida yordam ko‘rsatish maqsadida tashrif buyurdi. Bu haqda inspeksiya matbuot xizmati xabar berdi.
Ma’lum bo‘lishicha Chiroqchi tumanidagi 31-sonli umumta’lim maktabining filiali Yangiobod MFY, Qoraburug‘ qishlog‘ ida joylashgan bo‘lib, u 2006-yilda hashar yo‘li bilan qurilgan. O‘rganish davomida aniqlandiki, bu yerda tahsil oluvchi 37 nafar o‘quvchilar uchun umuman sharoit yaratilmagan.
Bu maskanda ta’lim sifati emas, balki o‘quvchilar xavfsizligiga javob bermasligi aniqlandi.
Shu kunning o‘zida Ta’lim sifatini nazorat qilish davlat inspeksiyasi xodimlari sa’y-harakati tufayli tuman attestatsiya komissiya a’zolari chaqirtirildi va muammoni zudlik bilan bartaraf etish bo‘yicha chora-tadbir ishlab chiqildi va amalga oshirildi.
2018-yil 17-may tuman hokimining 61-f-sonli farmoyishiga binoan maktab filiali o‘quvchilari Chiroqchi qishloq xo‘jalik va kasb-hunar kollejining Qoraburug‘ filialiga ko‘chirildi.
Izoh (0)