Dunyodagi bo‘ydoq shahzodalar soni bittaga kamaydi. Ularning qolgan 7 nafari bilan tanishing (foto)

19-may kuni dunyodagi bo‘ydoq shahzodalar soni bittaga kamaydi: Britaniya shahzodasi Garri amerikalik aktrisa Megan Marklga uylandi. AdMe hali uylanmagan shahzodalarning qolganlari bilan tanishtirdi.

Artur Chatto

Bu yigitcha qachonlardir qarindoshi shahzoda Uilyamning to‘yida Keyt Middltonning ko‘ylagi etagini ko‘tarib yurgan. Hozir malika Margaretning nevarasi Artur Chatto 18 yoshda, va u Britaniya taxti merosxo‘rlari ichida uylanmagan yagonasidir, ammo navbatda bor-yo‘g‘i 23-o‘rinda.

Hamdam ibn Muhammad Al Maktum

Dubay hukmron sulolasi a’zosi, 35 yoshli Hamdan bin Muhammad bin Rashid al Maktum shu paytgacha uylanmagan, u oilaviy qadriyatlardan o‘z qiziqishlarini ustun qo‘yadi. Uning xobbilari haqida Instagram’dagi qariyb 6 million kishi kuzatib boradigan akkaunti orqali xabardor bo‘lish mumkin.

U Sandxerstdagi qirollik harbiy akademiyasida ta’lim olgan, shuningdek, London iqtisodiyot va siyosiy fanlar maktabini bitirgan. Shahzoda NH Capital LLP xej-fondi rahbari, uning nomi bilan atalgan yangi universitet prezidenti, Yosh tadbirkorlarni qo‘llab-quvvatlash ligasi rahbari, Dubay amirligi sport qo‘mitasi rahbari va boshqa lavozimlarda ham ishlaydi.

Abdul Matin

Bruney shahzodasi 26 yoshda bo‘lib, taxtga navbat bo‘yicha 4-o‘rinda. U Buyuk Britaniyada o‘qigan, san’at sohasida magistr darajasiga ega. Ingliz, fransuz, italyan va arab tillarini biladi, polo o‘ynaydi.

Husayn bin al Abdulla

23 yoshli shahzoda voyaga yetganidan keyin regent rolini bajarib, xalqaro tadbirlarda otasiga hamrohlik qilishni boshlagan. 21 yoshida BMT Xavfsizlik kengashi majlisida qatnashgan, bir necha oy avval esa BMT Bosh Asambleyasida nutq so‘zladi.

Daniya shahzodasi Nikolay

Daniya shahzodasi merosxo‘r bo‘lish bilan birga, modellik ham qiladi. U 18 yoshda va Daniya taxtiga navbatda 7-o‘rinda turadi.

Lyuksemburg shahzodasi Sebastyan

Lyuksemburgning hukmron gersogi Anri va Mariya-Tereza Mestrening o‘g‘li 26 yoshli Sebastyan merosxo‘rlar ro‘yxatida beshinchi. U Angelsberg maktabida, Avliyo Georgiy xalqaro maktabida, Oksforddagi Summer Fields School’da va Amplfort kollejida o‘qigan. So‘ng Lyuksemburgdagi xalqaro maktab va Sandxerst harbiy akademiyasini bitirgan. Ayni paytda AQShdagi yetakchi universitetlardan birida marketing va kommunikatsiyalarni o‘rganmoqda.

Konstantin-Aleksios

19 yoshli yigitcha Gretsiya taxtiga o‘tirmasa ham (Gretsiya 1974-yilda respublikaga aylangan), unda shahzoda degan nom bor. U ayni paytda Vashingtondagi Jorjtaun universitetida huquqshunoslikka o‘qimoqda.