Yaponiyada O‘zbekiston madaniyati va san’ati kunlari boshlandi. Bu haqda “Xalq so‘zi” xabar bermoqda.

Foto: “Xalq so‘zi”

Tadbirda ishtirok etish uchun o‘zbekistonlik bir guruh san’atkorlar Tokioga yo‘l oldi. Ular 22-mayga qadar Tokio, Nagoya va Osaka shaharlarida bo‘lib o‘tadigan madaniy-ma’rifiy tadbirlarda ishtirok etadi.

Tadbirning ilk kuniyoq Yaponiya sahnasida yangragan O‘zbekiston xalq artistlari Munojot Yo‘lchiyeva, Zulayxo Boyxonova ijrosidagi “Charog‘on O‘zbekistonim!”, “Mustahzod”, “Bo‘lmasa bo‘lmas” singari qo‘shiqlar, xalqaro tanlovlar g‘oliblari Umid Isroilov, Farangiz Shamsiyeva, Rohila Ro‘zimova, Anvar Sobirov, “Surxon” guruhi, “Mumtoz navo”, “Gavhar” raqs ansamblarining chiqishlari mezbonlarda katta taassurot qoldirdi.