Toshkentda 14-may kuni erta tongda 2006-yilda tug‘ilgan qiz, dastlabki taxminlarga ko‘ra, ovqatdan zaharlanish natijasida vafot etdi. Bu haqda O‘zbekiston Bosh prokuraturasi matbuot xizmatiga tayanib, “Gazeta.uz” xabar berdi.
Qiz ukasi (2009-yilda tug‘ilgan) bilan birgalikda ovqatdan zaharlanish gumoni ostida 1-soni shahar bolalar klinik shifoxonasiga olib kelingan, biroq qizning hayotini saqlab qolishning iloji bo‘lmadi.
Shifoxonadan ma’lum qilinishicha, bolaning holati me’yorida. Tekshiruvdan so‘ng u virusologiya bo‘limiga joylashtirilgan.
Bola va uning buvisining so‘zlariga ko‘ra, yakshanba kuni u hot-dog, opasi esa banan yeb, sharbat saqlovchi ichimlik ichgan.
“Hozirda sud-tibbiy ekspertiza o‘tkazilmoqda, tekshiruvlar yakunlari bo‘yicha qizning o‘limiga nima sabab bo‘lgani aniqlanadi”, — deya xabar qilgan tibbiyot muassasasi vakili.
Prokuratura tergovga qadar tekshiruvni o‘tkazmoqda.
Izoh (0)