16-may, chorshanba kunidan boshlab Qrim ko‘prigi ustidan avtomobillarning harakatlanishiga ruxsat berildi. Bu haqda “Qriminform”ga asoslanib, “Korrespondent.net” xabar berdi.
“Avtomobillar soat 03:00 dan boshlab Qrim ko‘prigiga to‘plana boshladi. Kerchdagi kolonna boshidan jurnalistlar, blogerlar va jamoat arboblarining 70 ga yaqin mashinasi o‘rin olgan bo‘lsa, ularning ortidan yuzlab baykerlar va mahalliy aholi harakatlandi”, — deyiladi xabarda.
Ta’kidlanishicha, baykerlar guruhiga “Tunggi bo‘rilar” motoklubi yetakchisi Aleksandr Zaldostanov boshchilik qilgan.
Ko‘prik ustidan Kuban tarafdan harakat 05:25 da, Qrim tarafdan esa 05:35 da boshlangan. Dastlabki bir soat ichida ko‘prik ustidan mingdan ortiq transport vositasi o‘tgan.
“Qrim ko‘prigi ustidan barcha turdagi yengil avtomobillar va yo‘lovchi tashishga mo‘ljallangan avtobuslar harakatlanishi mumkin. Bunda haydovchilar tezlikni soatiga 90 kilometrdan oshirmasliklari kerak”, — deyiladi xabarda.
Izoh (0)