Xitoyning Uxan shaharida Shanxay hamkorlik tashkilotiga a’zo davlatlarning milliy turistik ma’muriyati rahbarlari o‘rtasida uchrashuv bo‘lib o‘tdi. Bu haqda Turizmni rivojlantirish davlat qo‘mitasi axborot xizmati xabar berdi.
Mazkur uchrashuvda Hindiston Davlat turizmi vaziri, Elektronika va axborot texnologiyalari vaziri K.J.Alfons, Qozog‘iston Sport va madaniyat vaziri o‘rinbosari Y.T.Kojagapanov, Xitoy Turizm va madaniyat vaziri o‘rinbosari Li Szinszao, Qirg‘iziston Turizm va madaniyat vazirligi qoshidagi departament direktori A.K.Jamanqulov, Pokistonning Xitoydagi elchi maslahatchisi Balox Mumtoz, Rossiya federat turizm agentligi rahbari o‘rinbosari N.V.Korolyov, Tojikiston Turizmni rivojlantirish qo‘mitasi raisi N.A.Abdug‘afforzoda, O‘zbekiston Turizm qo‘mitasi raisi Aziz Abduhakimov, shuningdek, Shanxay hamkorlik tashkiloti Bosh kotibi o‘rinbosari A.Nosirov ishtirok etdi.
Uchrashuv ishtirokchilari ShHT doirasida turizm sohasi bo‘yicha hamkorlik natijasida erishilgan muvaffaqiyatlarni yuqori baholadi, bundan tashqari milliy turizmni rivojlantirish bo‘yicha o‘zaro ma’lumot va taklif almashishdi.
Izoh (0)