Namangan shahridagi Xotira xiyobonida Xotira va qadrlash kuni hamda Ikkinchi jahon urushida qozonilgan g‘alabaning 73 yilligiga bag‘ishlangan bayram tadbirlari bo‘lib o‘tdi. Bu haqda “Daryo” muxbiri xabar berdi.
Xiyobonda 1941—1945-yillardagi muhit aks etdi. Urushdan qaytmagan minglab yurtdoshlar xotirasi yodga olindi, ota-bobolarning front ortidagi zahmatli faoliyati e’tirof etildi.
Ikkinchi jahon urushi davridagi harbiy texnikalar namoyishi bo‘lib o‘tdi.
Viloyat rahbarlari faxriylarni ayyom bilan samimiy qutladi.
Yoshlar ularga bayram lentalarini taqdim etdi.