Isroilning Suriyaga hujumi oqibatida ikki kishi halok bo‘ldi, deb yozadi “Gazeta.ru”.
SANA davlat axborot agentligi ma’lumotlariga ko‘ra, Deraa viloyatining Shayx Miskin shahrida yashagan er-xotin qurbon bo‘lgan.
Avvalroq Suriya havo hujumiga qarshi mudofaa vositalari Isroil tomonidan Damashqdan janubda joylashgan Kisva hududiga berilgan raketa zarbasini qaytargan edi. Isroilning ikkita raketasi to‘xtatib qolingan. Ammo Isroil hukumati hujum haqida gapirishdan bosh tortdi.
“Biz buni izohlamaymiz”, — dedi Isroil armiyasi matbuot xizmati xodimasi raketa hujumining qaytarilgani haqidagi xabarlarga izoh berish so‘roviga javoban.
Izoh (0)