KXDR yetakchisi Kim Chen Inning bir necha marta dunyo ommasi oldida ko‘rinishi uning safarlar vaqtidagi nostandart odatlarini namoyon qildi. Bu haqda The Independent yozmoqda.
Xususan, nashr Kim Chen Inning “odam korteji”ga e’tibor qaratgan. Shimoliy Koreya yetakchisi 27-aprelda Janubiy Koreya prezidenti Mun Chje In bilan uchrashish uchun kelganida uning avtomobili 12 nafar qo‘riqchidan iborat guruh o‘rab olgan va mashina izidan yugurib borgan edi.
Bundan tashqari, Kim Chen In shaxsiy samolyotda emas, balki faqat sekin yuradigan va o‘q o‘tkazmaydigan poyezdda harakatlanishni ma’qul ko‘radi. Bunda davlat rahbari uchun uchta poyezd kerak bo‘ladi: biri xavfsizlik uchun, biri qo‘riqchilar uchun va yana biri uning o‘zi uchun.
Kim Chen Inning KXDR yetakchisi sifatida Shimoliy Koreyadan tashqaridagi birinchi safari mart oyida Xitoyga uyushtirilgan edi. Safar shu darajada sir saqlangan ediki, bu haqda faqat u yakuniga yetkanidan keyin ma’lum bo‘lgan.
KXDR rahbari hech qachon umumiy hojatxonadan foydalanmaydi. Uning shaxsiy hojatxonasi o‘zi bilan birga sayohat qiladi. Uning shaxsiy hojatxonasi 2015-yilda qurilgan bo‘lib, hojatxonalari nafaqat shaxsiy poyezdida, balki tog‘li hududlarda harakatlanish uchun mo‘ljallangan maxsus avtomobillarida ham o‘rnatilgan.
Janubiy Koreya prezidenti bilan uchrashuviga Kim Chen In o‘zining shaxsiy oshpazini lapsha pishiradigan maxsus mashinasi bilan birga olib kelgan. Oshpaz bunda grechkadan tayyorlangan lapshadan taom pishirib berishi kerak bo‘lgan.
Izoh (0)