Rokfellerlar sulolasi oilaning 100 yildan ko‘proq davom etgan kolleksiyalar yig‘ish tarixiga nuqta qo‘yadi. AQShning Nyu-York shahridagi Rokfeller markazida bo‘lib o‘tadigan Christie’s savdolarida 1500 ta lot savdoga qo‘yiladi. Auksionlar 7—11-may kunlari bo‘lib o‘tadi. Bu haqda Forbes xabar berdi.
Auksionga qo‘yiladigan 1500 ta lot Rokfellerlarning bir necha avlodi tomonidan yig‘ilgan san’at asarlari kolleksiyasi, oilaviy buyumlar va shaxsiy mulklar hisoblanadi. Ularning barchasi Peggi va Devid Rokfellerga tegishli uchta uyda saqlangan. Auksion zalida 900 ta lot savdoga qo‘yiladi, yana 600 ta lot onlayn auksionda sotiladi. Kolleksiyaning umumiy qiymati 500 million dollarni, internet savdolaridagi eng past narx esa 200 dollarni tashkil qiladi.
Izoh (0)