Pompeo Koreya yarim orolida “tarix rivojini o‘zgartirish” imkoniyatlari haqida ma’lum qildi

AQSh davlat kotibi Mayk Pompeo Koreya yarim orolidagi tarix rivojini o‘zgartirish imkoniyati haqida ma’lum qildi. Bunda Donald Tramp ma’muriyati avvalgi prezidentlar xatosini takrorlamaydi. Bu haqda “RIA Novosti” xabar berdi.

Pompeoning aytishicha, Koreya yarim orolida tarixning rivojini o‘zgartirish uchun bemisl imkoniyat mavjud, biroq natijalar noma’lum. Shu bilan birga, Trampning ma’muriyati avvalgilarning xatosini takrorlamasligi aniq.

AQSh prezidenti Shimoliy Koreya yetakchisi bilan may yoki iyun oyida uchrashishni rejalashtirmoqda. Xabarlarga ko‘ra, uchrashuv Mo‘g‘uliston yoki Singapurda bo‘lib o‘tishi mumkin.