Bugun, 2-may kuni Ikkinchi jahon urushi yillari texnikalaridan iborat avtokolonna Toshkent bo‘ylab o‘tishi ma’lum qilingan edi.
Soat 14:00 da Do‘mbirobod mavzesidagi Mustang AYoQShdan harakatlana boshlagan harbiy orkestr “karvoni” Shota Rustaveli koʻchasida joylashgan shu nomdagi yodgorlik yaqinida to‘xtadi.
Xotira va qadrlash kuni munosabati bilan O‘zbekiston Respublikasi Mudofaa vazirligi va Yoshlar ittifoqi hamkorligida tayyorlangan maxsus dasturdan oʻrin olgan ushbu kolonna marshi bu yil ikkinchi marta oʻtkazilmoqda. U ilk marta 2017-yilning 28-aprelida tashkil etilgan.
Mazkur tadbir davomida bu yil avtokolonna Do‘mbirobod mavzesidan Shota Rustaveli koʻchasiga, undan chiqib Temuriylar tarixi muzeyi hamda Yoshlar ittifoqi Markaziy kengashi hududiga borishi belgilangan. Yunusobod bozori yaqinidagi hudud harbir orkestr oʻtkaziladigan soʻnggi bekat sanaladi.
Izoh (0)