Saudiya Arabistoni yetakchiligidagi koalitsiya tomonidan Yaman poytaxti Sanoga amalga oshirilgan aviazarbalar natijasida isyonchi xusiylarning ikki yetakchisi yo‘q qilindi. Bu haqda Reuters’ga tayanib, O‘zA xabar berdi.
Ma’lumotlariga qaraganda, 27-aprel kuni kechqurun Sanodagi qator obyektlarga hujum uyushtirilgan. Ular orasida Ichki ishlar vazirligi idorasi ham bor bo‘lib, bu vaqtda binoda isyonchilar guruhi qo‘mondonlari ishtirokida yig‘in o‘tkazilayotgan bo‘lgan. Ayrim manbalarda ularning bir qanchasi qurbon bo‘lgani haqida ma’lumotlar e’lon qilingan, biroq aniq raqamlar keltirilmagan.
Eslatib o‘tamiz, Yamanda 2014-yildan buyon hukumat kuchlari va xusiylar o‘rtasida qarama qarshiliklar davom etib kelmoqda. 2015-yil mart oyida esa mojaroga Arab koalitsiyasi aralashdi.
Izoh (0)