Yaqinda Farg‘onada yangi tug‘ilgan chaqaloqqa misrlik futbolchiga Muhammad Salohga havas qilinib, uning ismi qo‘yilgani haqida xabar berilgan edi.
“Daryo” tahririyatiga esa Toshkentda ham ota-ona o‘z farzandiga Muhammad Saloh ismini qo‘ygani haqida xabar berildi.
Toshkent shahrida istiqomat qiluvchi Umirzoqovlar oilasi 29-mart sanasida dunyoga kelgan o‘g‘il farzandiga, Muhammad Saloh ismini qo‘yishdi.
Muhammad Salohning otasi bu ismning qo‘yilishi haqida so‘zlab berdi.
Avval o‘g‘limizga ayolim Muhammad Amin deb ism qo‘yishni taklif etgandi. O‘zim “Manchester Yunayted”ga muxlislik qilaman. Ammo misrlik o‘yinchining o‘yinlari, shuningdek, uning musulmon ekanligi sabab o‘g‘limizga Muhammad Saloh ismini tanladim.Fazliddinning ta’kidlashicha, Muhammad Saloh oilada 3-farzand. Unda oldin esa opasi hamda akasi bor. Opasining ismi Nafisa bo‘lib, u 7 yoshda. Nafisa esa o‘zbek ayol shaxmatchilari orasida 1-bo‘lib xalqaro grossmeyster maqomiga erishgan Nafisa Mo‘minovaga havas qilib qo‘yilgan. Ikkinchi farzand esa Saidakbar, u 5 yoshda.Fazliddin Umirzoqov, chaqaloqning otasi
Izoh (0)